Молитослов (цсл в українській транслітерації) - Автор невідомий

Глубиною мудрості человіколюбно вся строяй і полезная всім подаваяй, Єдине Содітелю, упокой, Господи, душу раба Твоєго, на Тя бо упованіє возложи, Творца і Зиждителя, і Бога нашего.

Слава: і нині:

Богородичен: Тебе і Стіну, і Пристанище імами, і Молитвенницу, благоприятну к Богу, Єгоже родила еси, Богородице безневістная, вірних спасеніе.

Приспів: Благословен єси, Господи, научи мя оправданіем Твоїм.

Святих лик обріте істочник жизні і двер райскую, да обрящу і аз путь покаянієм, погибшеє овча аз єсм, воззови мя, Спасе, і спаси мя.

Приспів: Благословен єси, Господи…

Агнца Божія проповідавше, і заклані бивше якоже агнци, і к жизні нестаріємій святії, і присносущиій преставльшеся, Того приліжно, мученици, моліте, долгов разрішеніє нам даровати.

Приспів: Благословен єси, Господи…

В путь узкий хождшиї прискорбний, всі в житії крест, яко ярем, вземшії і Мні послідовавшії вірою, приідіте, насладітеся, їхже уготовах вам почестей і вінцов небесних.

Приспів: Благословен єси, Господи…

Образ єсм неізреченния Твоєя слави, а ще язви ношу прегрішеній: ущедри Твоє созданіє, Владико, і очисти Твоїм благоутробієм, і вожделінное отечество подаждь ми, рая паки жителя мя сотворяя.

Приспів: Благословен єси, Господи…

Древле убо от несущих создавий мя і образом Твоїм Божественним почтий, преступленієм же заповіді паки мя возвративий в землю, от неяже взят бих, но єже по подобію возведи, древнею добротою возобразитися.

Приспів: Благословен еси, Господи… Упокой, Боже, раба Твоєго, і учини єго в раї, ідіже лици святих, Господи, і праведници сіяют, яко світила; усопшаго раба Твоєго упокой, презирая єго вся согрішенія.

Слава: Трисіятельноє Єдинаго Божества, благочестно поем, вопіюще: Свят єси Отче Безначальний, Собезначальний Сине і Божественний Душе, просвіти нас, вірою Тебі служащих, і вічнаго огня ісхити.

І нині: Радуйся, Чистая, Бога плотію рождшая во спасеніє всіх. Ею же род человіческий обріте спасеніє, Тобою да обрящем рай, Богородице Чистая, Благословенная.

Аллилуя, аллилуя, аллилуя, слава Тебі, Боже (тричі).

Упокой, Спасе наш, с праведними раба Твоєго, і сего всели во двори Твоя, якоже єсть писано, презирая, яко благ, прегрішенія єго, вольная і невольная, і вся яже в відінії і невідінії, Человіколюбче.

Кондак

Со святими упокой, Христе, душу раба Твоєго, ідіже ність болізнь, ні печаль, ні воздиханіє, но жизнь безконечная.

Тропар

Со духи праведних скончавшихся, душу раба Твоєго, Спасе, упокой, сохраняя ю во блаженной жизні, яже у Тебе, Человіколюбче.

В покоїщі Твоєм, Господи, ідіже всі святії Твої упокоєваются, упокой і душу раба Твоєго, яко єдин єси Человіколюбец.

Слава: Ти єси Бог, сошедий во ад і узи окованних разрішивий, Сам і душу раба Твоєго упокой.

І нині: Єдина Чистая і Непорочная Діво, Бога без сімене рождшая, моли спастися душі єго.

Єктенія

Помилуй нас, Боже, по велицій милості Твоей, молимтися, услиши і помилуй.

Господи, помилуй (тричі).

Єще молимся о упокоєнії душі усопшаго раба Божія (ім’я) і о єже проститися ему всякому прегрішенію вольному і невольному.

Господи, помилуй (тричі). Яко да Господь Бог учинит душу єго, ідіже праведнії упокояются. Господи, помилуй (тричі). Милості Божі я, Царствія Небеснаго і оставленія грехов єго у Христа, безсмертнаго Царя і Бога нашего, просим. Подай, Господи. Господу помолимся. Господи, помилуй.

Яко Ти єси воскресеніє, і живот, і покой усопшаго раба Твоєго (ім’я), Христе Боже наш, і Тебі славу возсилаєм, со Безначальним Твоїм Отцем і Пресвятим, і Благим, і Животворящим Твоїм Духом, нині і присно, і во віки віков. Амінь.

Премудрость.

Пресвятая Богородице, спаси нас. Честнійшую Херувим і Славнійшую без сравненія Серафим, без істлінія Бога Слова рождшую, сущую Богородицу Тя величаєм.

Слава Тебі, Христе Боже, упованіє наше, слава Тебі.

Слава: і нині:

Господи, помилуй (тричі).

Благослови

Потім священик творить отпуст: Живими і мертвими обладаяй, воскресий із мертвих Христос істинний Бог наш, молитвами Пречистия Своєя Матере, преподобних і богоносних отец наших, і всіх Святих, душу от нас преставльшагося раба своєго (ім’я) в селеніїх святих вселит і с праведними причтет, і нас помилует, яко Благ і Человіколюбец.

Псалом 103

Благослови, душе моя, Господа. Господи, Боже мой, возвеличился єси зіло.

Во ісповіданіє і в велеліпоту облеклся єси, одіяйся світом, яко ризою.

Простираяй небо, яко кожу, покриваяй водами превиспренняя Своя.

Полагаяй облаки на восхожденіє Своє, ходяй на крилу вітреню.

Творяй Ангели Своя духи, і слуги Своя пламень огненний.

Основаяй землю на тверді єя, не преклонится во вік віка.

Бездна яко риза одіяніє єя, на горах станут води.

От запрещенія Твоєго побігнут, от гласа грома Твоєго убоятся.

Восходят гори і нисходят поля в місто, єже основал єси їм.

Преділ положил єси, єгоже не прейдут, ниже обратятся покрити землю.

Посилаяй істочники в дебріх, посреді гор пройдут води.

Напаяют вся звіри сельния, ждут онагри в жажду свою.

На тих птици небесния привитают, от среди каменія дадят глас.

Напаяяй гори от превиспренних Своїх, от плода діл Твоїх наситится земля.

Прозябаяй траву скотом, і злак на службу человіком.

Ізвести хліб от землі, і вино веселит сердце человіка.

Умастити лице єлеєм, і хліб сердце человіка укріпит.

Наситятся древа польская, кедри